مشاعر مُختلطة .. و أحاسيس مُتضاربة ..
تصعدُ به و تنزل .. !
مُتوتـّر تارة .. خائفٌ تارة .. و قلِقٌ تارة أخرى !
يأخذ نفسًا عميقًا .. فيطغى علي عينيه بريق الأمل من جديد ..
فيُحادث نفسه قائلاً : ومالي ومال الخوف ؟! و ممَّ أخاف ؟! كُلي تفاؤل و عزيمة بإذن الله تعالى :)
نـظرة خاطفة يُلقي بها إلى الكتاب المركون على مكتبه الدراسي .. تـُعيد إليه نبرة الخوف من جديد !!
إلهي .. الكمية كبيرة .. الوقتُ لا يُسعفني .. الكتاب "مو راضي يخلص" =/
يقول بينه و بين نفسه ـ كنوع من تخفيف الثقل و العبء عن نفسه ـ : طـــــاااااااف !
يفكر مليًا .. يُراجع قدر مسؤوليته الدراسية هذا العام ..
فيتذكر أنه "خـــرّيـــــــــــج" .. !
أي .. سنته الدراسية هذه ليست كرفيقاتها من السنوات الماضية ..
أي .. لا مجال و لا مكان و لا مطرح لكلمة "طاف" في قواميسه .. أي يجب عليه أن يفكر بعقلانية أكبر !
---
لضيق وقته .. سيتوقف عن الكتابة هنا .. و يسألكم الدعاء .. ثم الدعاء .. ثم الدعاء !
فهو بحاجةٍ ماسة لأيديكم تـُرفَع إلى الملك الكريم الشكور .. تسأله التوفيق للطالب المُسَيْكين " خريج" .. !
فحاله كسيف .. يُرثى له =/
و لكنه سيظل ـ بإذن الله ـ متسلحًا بالأمل .. مُتوشحًا بالتفاؤل .. كله ثقة بخالقه الكريم ..
تمرّ على خاطره آياتٌ كثيرة .. تقوي من عزيمته >>
ـ " ألَيْسَ اللهُ بكافٍ عَبْدَه "
ـ " و أُفَوِّضُّ أمْري إلى اللهِ "
ـ " و ما تَوْفيقي إلا بالله "
ـ " و تَوَكّل على الحَيِّ الذي لا يَموتُ "
و .. " إنّ اللهَ لا يُضيعُ أجْرَ مَنْ أحْسَنَ عَمَلاً " ؛)
---
برب طويل .. إلى تاريخ 26 / 1 .. نكون حينها نلتقط الأنفاسَ الأخيرة في رحلة الاختبارات التي ستعلن انطلاقها غدًا بإذن الله تعالى .. لنأخذ بعدها نفسًا عميقًا يُعيدُ إلينا الروح و الإرادة و العزيمة .. للفصل الدراسي الثاني ـ إن كنا من الأحياء ـ :)
نكرر .. دعواتكم .. و بالتوفيق لكم جميعًا ^^
هناك 13 تعليقًا:
خريج .. !
خريج خائن .. !
بتهديني بروحي :'(
* * *
شدي حيلج مهندستنا الحبيبة :D
وتذكري شعارج ..
" ترك الوسادة .. طريق القيادة "
" حطّمي بعد السكون " !
p;
قلوبنا ودعواتنا معاج : )
ومنو اللي يقووووول :D ?!
بإنتظاركِ غداً :***
عفواً ..
بانتظارك .. بدون الهمزة عشان ما نحصل زفة XD
وي فديتهم الي بيتخرجوون ;**
الله يوفقج حبيبتي ويسهل عليج وايسر أمورج ..
قلبي معاج ودعواتي لج ..
الله مايضيع تعبج وسهرج
كلما فتحت عيوني بالليل ومالقيتج بفراشج يعورني قلبي وأدعيلج :(
أدري لما تسئليني ها دعيتيلي؟ أقولج : أدعيلج انج اتطيبين؟ P;
بس يقولون يفضل الدعاء بظهر الغيب .. ف ماني معلمة P;
((كلش ماقلت شي))
ولما تغثيني بالسيارة مع مصطلحاتكم وانا أردد معاج وموفاهمة شي من الي تقولينه .. المهم تحفظين وأحفظ معاج P;
وكتاب الأحياء الي يارته معاج كل مكان .. صج يقهرني بدال لاتاجبليني بالكوفي تجابلينه بس هم يموون D;
ومرات أتمنى إني أفهم بالفيزيا عشان أدرسج .. بس شسوي أختج أدبي متأدب ;(
مسجج الي بتاريخ 15/6/2008 ليلحينه عندي: "باركيلي طلعت من مطبة الثنوية"
عقبال ماأشوف "باركيلي تخرجت"
و مادري شقول بعد .. بس شدي حيلج وييبي النسبة، و يا مهندسة يا مهندسة .. واذا تبين طبيبة هم موافقة بس مانبي شي ثاني P:
وخلج ريلاكس ونامي مبجر ولاتضغطين على روحج .. قتلج الله مايضيع تعبج ومايرد دعوات أمنا
و "مـَحـّطـِي بعد السكون" P;
:: مجنونتي الصامتة :: pP؛
حرام .. لا تتهمونه بالخيانة =/
قضى سنين و بنين بين أسوار المعتقل ـ عفوًاـ المدرسة !
خلوه يشوف حياته و مستقبله .. من غير ما يحاتيكم ؛***
لا منو يقول بهدج بروحج ؟!
ما راح أهدج إلا و آنا متأكدة إن رفيجاتج كلهم حوالينج ؛)
متطمنة إنج راح تكونين في أيدي أمينة pP؛
***
لووووووول .. منو قالج تطلعين فضايح شعاراتنا p:
متذكرته متذكرته .. عشان جذي تييني النومة لما أبي أدرس ><
أفا عليج .. بزلزل بعد السكون مو بس أحطم pP:
يسلم لي قلبج .. و يرفع معنوياتي دعائج =)
....... إحنا ما نقدر ؟؟!!
إحنا نقدر D= بإذن الله
احم .. صار غدًا ..
لقاء يبعث في النفس الراحة .. و إن كنت حاطة ويهي بالكتاب و مندمجة بالمراجعة و انتي قاعدة تشخبطين مادري شتسوين P:
_____
لووووول .. أشوة إنج حفظتي الدرس .. أقصد الدروووووس .. و عليّه مصدعة راسج pP:
_____
دُمتِ حبيبة ؛***
:: BookMark ::
أهلاً أهلاً =>
أجمعــيــن يا رب .. يزاج الله خير ="
بعد جبدي .. اسم الله على قلبج من العوار ;**
لوووول و أهم شي إني أقولج : خليني مريضة .. قاعدة آخذ أجر .. المهم ادعيلي أتوفق p;
لووووول الكتب اللي قاصة على عمري لما أيرهم وراي كل مكان يعني بدرس ><
خخخخخخخ .. مو زين تفهمين بالفيزيا .. هذي رحــــمـــة من ربج !
أوله شخباري هالمسج .. ذاكرة تلفونج وايد كبيرة ما شا الله اللي خاشة هالمسج بين جنَباتها >> أهم شي جنباتها p:
الله يسمع منج .. نتخرج و نرتاح =/
لوووول إن شاء الله .. الله كريم .. إنتي ادعي .. و احنا نبذل الأسباب .. و الباجي على رب العالمين :)
أنام مبجر ؟! إي خير :)
بو طبيع ما ايوز من طبعه ><
لوووول .. دمّري بعد السكون أحسن شرايكم ؟! pPP;
شكرًا لكِ .. و لمشاعركِ .. والسلام عليكِ و رحمة من الله و بركات ;***
الله يوفقج يارب ..
وان شاءالله تبشرينا بتخرج أحلى بنوته :)
:)
يا جميله كل التوفيق ;*
دعواتي تحتويكِ :)
إبتسمت تذكرت تلك المشاعر .. كلّها ستمر وتًصبح ذكرى !
بشرينا عنّج :)
بالتوفيج ان شالله وعؤبال مانسمع البشارة :)
:: Engineer A ::
أجمعين يا رب ^^
الله يسمع منج .. بعد عمري ما تقصرين ;*
شكرًا =>
:: بوح الصمت ::
يا أجمل ؛) شكرًا جزيلاً لكِ .. ولكِ بمثلها :>
موقنة بأنها ستكون ذكرى سعيدة .. بعد التخرج بإذن الله تعالى :")
إن شاء الله ^^
و شكرًا مرة أخرى .. و أخرى =")
:: iConNzZz ::
يزاج الله خير حبيبتي ما تقصرين ^^
إن شاء الله نسمعها .. و العيون تدمع من الفرح =")
شكرًا و شكرًا =")
ذكرتيني بعمري
ما أعرف ليش الخريجين دايما اتعاطف معاهم
وأحسهم يعيشون سنه كاملة من القلق و الجد والكفاح
و مسح كلمة ( طاف ) من قواميسهم ..
ربي يوفقج ويسهل عليج
وإن شاء الله تتخرجين و تفرحين أهلج بالنسبة الحلووة :)
تحيااتي
:: سمو الأميرهـ ..ツ ::
حبيبتي ="
أشكرج على مشاعرج اللطيفة .. ^^
إي والله تعبنا .. و إن شا الله تعبنا ما راح يضيع هدر =)
أسعدني مرورج =>
شكرًا ..
إرسال تعليق